أنا فضلت سكتة يوم كامل بعد قصة بوش والجزمة مش قادرة أفهم اللخبطة اللى جوايا... هو أنا فرحانة لإنه إتهان مش بالكلام لأن ياما إتكلمنا ومحدش سمع ولا باطماطم لأنها مبتوجعش وهو ياما وجع ناس كثير لكن بالجزمة ومتهيألى مش محتاجة أفسر ليه! بس بجد إنتو عرفين الموقف ده إتربط عندى بإيه؟ مش هتصدقو... الموقف ده بالتحديد فكرنى بيوم شنق صدام! وكإنه تخليص حق! هو أكيد ضرب الجزمة اللى حتى مجتش فى بوش مش زى شنق إنسان مش هقول إنه كان رئيس دولة ولا كان وحش ولا كويس إنما إنسان يتشنق قدام العالم كلة فى أول أيام العيد... منظر مش ممكن هنساه... بجد سبحان المعز المذل... مين كان يصدق إن رئيس أقوى دولة فى العالم يضرب بالجزمة قدام العالم كله برضه واللى حارق دمى إنها مجتش فيه
No comments:
Post a Comment